مرکزی حکومت شہریت ترمیمی قانون CAA کو نافذ کرے گی اور اسے کوئی نہیں روک سکتا: امیت شاہ

Wed 29 Nov 2023, 17:12:42

ذرائع:

کولکتہ: کولکتہ میں بی جے پی کے ریلی سے خطاب کرتے ہوئے مرکزی وزیر داخلہ امیت شاہ نے مغربی بنگال کی چیف منسٹرممتا بنرجی کو سخت تنقید کا نشانہ بنایا۔ انہوں نے کہا کہ ممتا بنرجی کا وقت ختم ہو گیا ہے۔ بی جے پی 2026 کے انتخابات میں مغربی بنگال میں اقتدار میں آئے گی۔ امیت شاہ نے کہا کہ ممتا بنرجی ماں، مٹی مانش کے نعرے کے ساتھ بائیں بازو کو ہٹا کر اقتدار میں آئیں، لیکن بنگال میں کوئی تبدیلی نہیں آئی۔ آج بھی بنگال میں دراندازی، خوشامد، سیاسی تشدد اور بدعنوانی ہو رہی ہے۔ کمیونسٹوں اور ممتا بنرجی نے مل کر بنگال کو برباد کر دیا ہے۔ امت شاہ نے لوگوں سے اپیل کی کہ اگر وہ 2026 میں بی جے پی حکومت بنانا چاہتے ہیں تو 2024 کے لوک سبھا انتخابات میں اس کی بنیاد رکھیں اور مودی جی کو ملک کا وزیر اعظم بنائیں۔

وزیر داخلہ امت شاہ نے چہارشنبہ کے روز سخت الفاظ میں کہا کہ مرکزی حکومت شہریت ترمیمی قانون (CAA) کو نافذ کرے گی

اور اسے کوئی نہیں روک سکتا۔

آپ کو بتا دیں کہ امت شاہ نے پارٹی کی لوک سبھا انتخابی مہم کی شروعات کے لئے یہاں ایک بڑی ریلی سے خطاب کیا۔ اس موقع پر انہوں نے خوشامد، دراندازی، بدعنوانی اور سیاسی تشدد جیسے مسائل پرممتا بنرجی پر شدید حملہ کیا اور عوام سے ان کی حکومت کا تختہ الٹنے اور اگلے اسمبلی انتخابات میں بی جے پی کو منتخب کرنے پر زور دیا۔ ریلی میں جمع ہونے والے ہجوم پر خوشی کا اظہار کرتے ہوئے انہوں نے کہا کہ یہ عوام کے مزاج کی عکاسی کرتا ہے۔ انہوں نے دعویٰ کیا کہ بی جے پی 2026 میں ریاست میں دو تہائی اکثریت کے ساتھ برسراقتدار آئے گی۔

شاہ نے کہا کہ 2024 کے لوک سبھا انتخابات میں ریاست میں بی جے پی کی کارکردگی اسمبلی انتخابات میں اس کی جیت کی بنیاد رکھے گی۔ سی اے اے کا حوالہ دیتے ہوئے شاہ نے کہا کہ ممتا بنرجی اس کی مخالفت کر رہی ہیں، لیکن اسے لاگو ہونے سے کوئی نہیں روک سکتا۔ پارٹی نے 2019 کے لوک سبھا انتخابات میں ریاست کی 42 میں سے 18 سیٹوں پرکامیابی حاصل کی تھی۔

فیس بک پر شیئر کریں! ٹویٹر پر ٹویٹ کریں

اس پوسٹ کے لئے کوئی تبصرہ نہیں ہے.

تبصرہ کیجئے