تلنگانہ میں ایل پی جی قلت پر بی آر ایس کا احتجاج، کے ٹی آر کا سپلائی فوری بہتر بنانے کا مطالبہ

تلنگانہ 24 مارچ 2026 (اعتماد نیوز) تلنگانہ میں ایل پی جی کی قلت کے خلاف بی آر ایس پارٹی کے ایم ایل ایز اور ایم ایل سیز نے گن پارک پر احتجاج کیا اور اسمبلی کی جانب مارچ کیا۔ مظاہرین نے گیس سلنڈر کے پلے کارڈس تھام کر مہنگائی اور سپلائی مسائل کے خلاف نعرے لگائے۔بی آر ایس کے کارگزار صدر کے ٹی آر نے کہا کہ جنگ کے بعد ریاست میں گیس کی شدید قلت پیدا ہوگئی ہے جبکہ مرکز اس سے انکار کر رہا



ہے۔ انہوں نے الزام لگایا کہ سرکاری دعووں اور زمینی حقیقت میں بڑا فرق ہے، اور سلنڈر کا وزن 14 کلو سے کم کر کے 10 کلو کئے جانے کا خدشہ بھی ظاہر کیا۔کے ٹی آر نے مرکز اور ریاستی حکومتوں کو تنقید کا نشانہ بناتے ہوئے کہا کہ دونوں ایک دوسرے پر ذمہ داری ڈال رہے ہیں جبکہ عام عوام، چھوٹے تاجر اور ہوٹل کارکن اس کا خمیازہ بھگت رہے ہیں۔ انہوں نے فوری طور پر سپلائی بہتر بنانے اور شفافیت لانے کا مطالبہ کیا۔