حیدرآباد 10 فروری 2026 (اعتماد نیوز) تلنگانہ ڈی جی پی دفتر کے قریب اُس وقت کچھ دیر کے لیے کشیدگی پھیل گئی جب بی جے پی تلنگانہ کے کارکنان نے مکتھل کے بی جے پی چھٹے وارڈ کے امیدوار مہادیوپا کی خودکشی کے خلاف دھرنا دیا۔بی جے پی کارکنوں نے الزام عائد کیا کہ کانگریس کی مبینہ ہراسانی نے انہیں
انتہائی قدم اٹھانے پر مجبور کیا اور ذمہ داروں کے خلاف سخت کارروائی کا مطالبہ کیا۔احتجاج کے دوران پولیس ملازمین اور پارٹی کارکنوں کے درمیان جھڑپ بھی پیش آئی، جس میں ڈی سی پی شلپا ولی کے زمین پر گرنے کی اطلاع ہے۔واقعہ کے بعد علاقے میں بڑی تعداد میں پولیس فورس تعینات کر دی گئی، جس سے فضا میں مزید کشیدگی بڑھ گئی۔