بی جےپی کی تقسیم کرنے والے منصوبوں کے خلاف مضبوطی سے لڑیں گے:پرینکا

نئی دہلی، 12 دسمبر (یو این آئی)کانگریس کے جنرل سکریٹری پرینکا گاندھی وڈرا نے شہریت ترمیمی بل کو سماج کو تقسیم کرنے والا قرار دیتے ہوئے جمعرات کو کہا ہے کہ بھارتیہ جنتا پارٹی (بی جے پی) کے اس تقسیم کرنے والے منصوبوں کے خلاف کانگریس پوری طرح مضبوطی سے لڑے گی محترمہ پرینکا گاندھی نے ٹوئٹ کیا کہ ’’بی جے پی جس وقت مہاتما گاندھی کی سالگرہ کے 150ویں سال مکمل ہونے کا ڈھنڈوڑا پیٹ رہی ہے اسی



دوران شہریت ترمیمی بل جیسا بھید بھاؤ اور آئین کی روح کو زخمی کرنے والا بل لارہی ہے۔‘‘

بی جےپی کی تقسیم کرنے والے منصوبوں کے خلاف کانگریس پوری مضبوطی سے لڑے گی۔

اس کے ساتھ ہی انہوں نے راجیہ سبھا سے بل پاس ہونے کے بعد کانگریس صدر سونیا گاندھی کی جانب سے بدھ دیررات جاری اس بیان کو بھی اپنے ٹوئٹر اکاؤنٹ پر پوسٹ کیا ہے جس میں محترمہ گاندھی نے کہا تھا کہ یہ بل تکثیریت پر تنگ سوچ کی فتح ہے۔