ہماچل پردیش کیلئے بی جے پی نے اپنے امیدواروں کا اعلان کیا

نئی دہلی/18اکتوبر(ایجنسی) بھارتیہ جنتا پارٹی (بی جے پی) نے ہماچل ریاستی اسمبلی کی تمام 68 سیٹوں کیلئے آج اپنے امیدواروں کا اعلان کردیا جن میں سابق وزیر اعلی پریم کمار دھومل کو سُجان پور سیٹ اور حال ہی میں



کانگریس چھوڑ کر پارٹی میں شامل ہوئے سابق وزیر انل شرما کو منڈی سیٹ سے ٹکٹ دیا گیا ہے۔
ریاست میں تمام اسمبلی سیٹوں کیلئے ایک مرحلہ میں 9 نومبر کو الیکشن ہوگا۔
بی جے پی کی مرکزی انتخابی کمیٹی کی پارٹی صدر امت شاہ کی صدارت میں ہوئی میٹنگ میں امیدواروں کی فہرست کو حتمی شکل دی گئی۔