آندھرا پردیش 9 فروری 2026 (اعتماد نیوز) آندھرا پردیش میں برڈ فلو وائرس نے ایک بار پھر سنسنی پیدا کردی ہے۔ اننامیا ضلع کے سدمو منڈل کے تین گاؤں میں مرغیوں کے فارم میں تقریباً 24,000 مرغیاں ہلاک ہو گئی ہیں۔ ہلاک ہونے والی مرغیوں کے نمونے مدھیہ پردیش کے بھوپال میں موجود ہائی سکیورٹی اینمل ڈیزیز ڈایگنوسٹک لیب میں بھیجے گئے، جہاں برڈ فلو کی تصدیق
ہوئی۔ضلع کلکٹر نشانت کمار نے متاثرہ علاقوں کا جائزہ لیا اور ضروری اقدامات کرنے کی ہدایت دی۔ برڈ فلو کے سبب نقصان اٹھانے والے مرغی فارم کے کسانوں کو حکومت نقصان کی تلافی کرے گی۔ ریونیو ؛ پولیس، پنچایت راج اور صحت کے شعبے کے ملازمین نے مل کر دیہاتوں میں دورے کیے اور عوام کو آگاہی فراہم کی۔ صورتحال کی مسلسل نگرانی کے لیے ایک خصوصی کنٹرول روم بھی قائم کیا گیا ہے۔