ووٹر لسٹ پر نظرثانی کو لے کر اویسی پہنچے الیکشن کمیشن

دہلی،7 جولائی(ذرائع) بہار میں آنے والے انتخابات سے پہلے ووٹرلسٹ کی خصوصی نظر ثانی کے عمل کے سلسلے میں اے آئی ایم آئی ایم کے صدر اور ایم پی اسد الدین اویسی کی قیادت میں الیکشن کمیشن پہنچے- اس دوران اویسی نے کہا کہ ووٹر لسٹ کے خصوصی نظرثانی کے خلاف نہیں ہے، لیکن اس عمل کے لیے تھوڑا اور وقت دینا  چاہیے۔

اے آئی ایم آئی ایم کے سربراہ نے کہا کہ یہاں تک کہ اگر 15-20 فیصد لوگوں کے نام ووٹر لسٹ سے باہر رہ



گئے تو وہ بھی اپنی شہریت کھو دیں گے۔ اگر کسی کا نام ہٹا دیا جائے تو وہ شخص نہ صرف اپنا ووٹ کھو دے گا بلکہ یہ اس کی روزی روٹی کا بھی مسئلہ ہے۔

بہار میں اے آئی ایم آئی ایم کے ریاستی سربراہ اور ایم ایل اے اختر الایمان نے کہا کہ ہم نے الیکشن کمیشن سے نظرثانی کی تاریخ میں توسیع یا ملتوی کرنے کی درخواست کی ہے کیونکہ ریاست میں بہت سے لوگوں کے پاس پیدائشی سرٹیفکیٹ نہیں ہے، بہت سے مہاجر مزدور ہیں اور یہ مانسون کا موسم بھی ہے۔