حیدرآباد.کے سنتوش نگر ٹریفک پولیس اسٹیشن کے انسپکٹر محمد آصف نے بتایا کہ ڈی جی پی کے احکامات اور کمشنر پولیس حیدرآباد کی ہدایات کے مطابق آج چمپاپیٹ آٹو اسٹینڈ پر آٹو ڈرائیوروں اور دو پہیہ سواروں کے لیے "Arrive Alive" روڈ سیفٹی آگاہی پروگرام منعقد کیا گیا۔ انسپکٹر محمد آصف نے کہا کہ اس موقع پر بغیر لائسنس
ڈرائیونگ، تیز رفتاری، غلط سمت میں چلانا، نشے میں ڈرائیونگ اور کم عمر ڈرائیونگ جیسے امور پر آگاہی دی گئی۔ انہوں نے ہیلمٹ اور سیٹ بیلٹ کے استعمال کی اہمیت پر زور دیتے ہوئے کہا کہ زیادہ تر حادثات میں اموات ان کے استعمال نہ کرنے کی وجہ سے ہوتی ہیں۔انہوں نے تمام شہریوں کو ہدایت دی کہ وہ ٹریفک قوانین پر سختی سے عمل کریں اور سڑکوں پر محفوظ سفر کو یقینی بنائیں۔