امریندر سنگھ بی جے پی میں ہوئے شامل: اپنی نئی پارٹی کو بھی ضم کر لیا

نئی دہلی، 19 ستمبر (ذرائع) پنجاب اسمبلی انتخابات سے قبل وزیر اعلیٰ کے عہدے سے اچانک ہٹائے جانے کے بعد کانگریس چھوڑنے کے تقریباً ایک سال بعد، پنجاب کے سابق وزیر اعلیٰ امریندر سنگھ آج بی جے پی میں شامل ہو گئے۔ مرکزی وزیر قانون کرن رجیجو نے ان کا بی جے پی میں خیرمقدم کیا۔ اس سے پہلے دن میں انہوں



نے بی جے پی صدر جے پی نڈا سے ملاقات کی تھی۔

80 سالہ امریندر سنگھ نے اپنی پنجاب لوک کانگریس کو بھی بی جے پی میں ضم کر دیا۔ انہوں نے اپنی پانچ دہائیوں کی پارٹی کانگریس سے نکلنے کے فوراً بعد پچھلے سال پارٹی بنائی تھی۔ امریندر سنگھ کے ساتھ سات سابق ایم ایل اے اور ایک سابق ایم پی بھی بی جے پی میں شامل ہو گئے۔