مجلس کے رکن کونسل ریاض الحسن افندی اور وزیر پونم پربھاکر کا نئے عثمانیہ جنرل ہاسپٹل کی تعمیراتی کاموں کا جائزہ

ذرائع:

حیدرآباد: انچارج وزیر پونم پربھاکر اور ضلع کلکٹر ڈاکٹر پرینکا آلا نے آج گوشہ محل میں زیر تعمیر نئے عثمانیہ جنرل ہاسپٹل کے تعمیراتی کاموں کا مجلس کے رکن قانون ساز کونسل میرزا ریاض الحسن افندی، دیگر عوامی نمائندوں اور عہدیداروں کے ہمراہ جائزہ لیا۔ اس موقع پر وزیر پونم پربھاکر نے عہدیداروں کو تعمیراتی کاموں میں تیزی لانے،



معیار کو برقرار رکھنے اور مقررہ مدت میں منصوبے کی تکمیل یقینی بنانے کی ہدایت دی۔ انہوں نے ہر ماہ تعمیراتی مقام کا معائنہ کرنے، کاموں کی پیش رفت پر مسلسل نظر رکھنے اور منصوبے کی تکمیل میں حائل رکاوٹوں کو دور کرنے کی بھی ہدایت کی۔ وزیر نے عہدیداروں پر زور دیا کہ وہ باہمی تال میل کے ساتھ کام کرتے ہوئے نئے عثمانیہ جنرل ہاسپٹل کی تعمیر مقررہ وقت میں مکمل کریں۔