صدر مجلس کی قیادت میں مجلسی وفد کی مرکزی وزراء سے ملاقات، بہار و کشن گنج کے مسائل اٹھائے

کل ہند مجلس اتحاد المسلمین کے قومی صدر بیرسٹر اسدالدین اویسی کی قیادت میں پارٹی کے بہار ریاستی صدر اختر الایمان اور دیگر اراکینِ اسمبلی نے دہلی میں مرکزی وزیرِ روڈ ٹرانسپورٹ و ہائی ویز نتن گڈکری سے ملاقات کی۔ ملاقات کے دوران سیمانچل سمیت بہار بھر میں قومی شاہراہوں اور سڑکوں کے مسائل پر تفصیلی گفتگو ہوئی۔ اراکینِ اسمبلی نے اپنے اپنے علاقوں کے مسائل وزیر کے سامنے



رکھتے ہوئے جلد حل کرنے کا مطالبہ کیا۔ بعد ازاں بیرسٹر اسدالدین اویسی نے مرکزی وزیرِ تعلیم پرلہاد جوشی سے بھی ملاقات کی۔ اس موقع پر علی گڑھ مسلم یونیورسٹی کے کشن گنج سینٹر کے لیے فنڈز، اساتذہ کی بھرتی اور دیگر ضروری امور سے متعلق میمورنڈم پیش کیا گیا۔ ایکلاویہ اسکول اور مالیگاؤں، مہاراشٹرا سے متعلق مسائل بھی وزیرِ تعلیم کے سامنے رکھے گئے اور ان کے جلد حل کا مطالبہ کیا گیا۔