تلنگانہ: مٹ پلی کی سی ڈی پی او پدما 63 ہزار رشوت لیتے ہوئے گرفتار

ذرائع:

اینٹی کرپشن بیورو کریم نگر یونٹ نے مٹ پلی، ضلع جگتیال کی سی ڈی پی او  پدما کو 63 ہزار روپے رشوت لیتے ہوئے رنگے ہاتھوں گرفتار کرلیا۔اے سی بی کے مطابق، سی ڈی پی او نے مٹ پلی اربن سیکٹر کے تحت آنے والے 21 آنگن واڑی مراکز کے معائنہ کے دوران ناموافق ریمارکس درج نہ کرنے کے عوض شکایت کنندہ سے رشوت کا مطالبہ کیا تھا۔ ہر آنگن واڑی مرکز سے ماہانہ ایک ہزار روپے کے حساب سے تین ماہ کی رشوت طلب کی گئی، جس کی



مجموعی رقم 63 ہزار روپے بنتی ہے۔26 ستمبر کو اے سی بی کریم نگر یونٹ نے کارروائی کرتے ہوئے سی ڈی پی او پدما کو ان کے دفتر کے باہر شکایت کنندہ سے 63 ہزار روپے کی رشوت براہِ راست قبول کرتے ہوئے رنگے ہاتھوں پکڑ لیا۔ اے سی بی حکام نے رشوت کی رقم بھی ان کے قبضے سے برآمد کرلی۔اے سی بی نے بتایا کہ ملزم افسر کو گرفتار کرکے کریم نگر میں ایس پی ای اینڈ اے سی بی مقدمات کی خصوصی عدالت میں پیش کیا جا رہا ہے۔ معاملے کی مزید تحقیقات جاری ہیں