دہلی آتشزدگی واقعہ میں ٥ مسلم نوجوانوں نے کئی جانیں بچائی

نئی دہلی ۔ جنوبی دہلی کے حوض رانی علاقے میں واقع فلورش اپنے ہوٹل میں چہارشنبہ کو پیش آئے آتشزدگی کے واقعے میں جہاں 17 غیر ملکیوں کے بشمول 21 افراد ہلاک ہوئے وہیں مقامی مسلم نوجوانوں نے امدادی کارروائیوں میں بڑھ چڑھ کر حصہ لیتے ہوئے انسانیت اور ہمدردی کی ایک قابل ستائش مثال قائم کی۔ عینی شاہدین کے مطابق آگ لگنے کے فوراًبعد مقامی افراد امدادی سرگرمیوں میں جٹ گئے ۔ ہوٹل کے سامنے واقع گدوں کی ایک دکان کے مالک اور ان کے اہل خانہ نے غیر معمولی حاضر دماغی اور انسان دوستی کا مظاہرہ کرتے ہوئے دکان کے درجنوں گدے سڑک پر لا کر بچھا دیے تاکہ او پر پھنسے ہوئے لوگ ان پر کود کر اپنی جان بچاسکیں۔ اگر گدوں کی دکان کے مالک اور ان کے خاندان نے فوری طور پر یہ قدم نہ اٹھایا ہوتا تو جانی نقصان کہیں زیادہ ہوسکتا تھا۔ کئی افراد نے اعتراف کیا کہ گدوں کے ڈھیر نے ان کی جان بچانے میں اہم کردار ادا کیا۔ ہولناک آگ کے دوران متعدد افراد جو ہوٹل اور گیسٹ ہاؤس کی عمارت میں پھنس گئے تھے، کو مقامی مسلم



نوجوانوں وسیم، شعیب اور اسرار نے اپنی جانوں کی پروا کیے بغیر متعدد افراد کی زندگیاں بچانے کے لیے بہادری کا مظاہرہ کیا۔