اتر پردیش 3 مارچ 2026 (اعتماد نیوز) لکھنؤ میں 12 سالہ انیز خان گولی لگنے سے ہلاک ہو گیا۔ پولیس کے مطابق وہ ایک دوست کی سالگرہ کی تقریب میں موجود تھے کہ مبینہ طور پر گاڑی میں رکھے پستول سے اتفاقیہ طور پر فائرنگ
کی گئی۔ تاہم اہل خانہ نے اسے قتل قرار دیتے ہوئے دعویٰ کیا ہے کہ انیز خان کو بہانے سے گھر سے لے جا کر گولی مار کر قتل کیا گیا اور واقعے کو چھپانے کی کوشش کی جا رہی ہے۔ پولیس نے مقدمہ درج کر کے تمام زاویوں سے تفتیش شروع کر دی ہے۔