اسرائیل کی بنیادظلم وتشددپر، فلسطین فلسطینیوں اور مسلمانوں کا تھا اور رہے گا،حیدرآباد میں پریس کانفرنس سے علماوصحافیوں کا خطاب

حیدرآباد،19مئی(یواین آئی)مجلس علمائے ہنداور صحافیوں کی جانب سے حیدرآبادمیں منعقدہ پریس کانفرنس میں اسرائیل کی جانب سے فلسطین اور غزہ کے باشندوں پرکی جانے والی بمباری اور تشددکی سخت الفاظ میں مذمت کی گئی اور مشترکہ پریس کانفرنس میں کہاگیاکہ اسرائیل کی بنیادہی ظلم وتشددپرمبنی ہے فلسطین فلسطینیوں اور مسلمانوں کا تھا اور رہے گا۔

دوریاستی حل ناممکن ہے اس کا کوئی



تصورنہیں،آج وقت آگیاہے کہ اسرائیلی ظلم کے خلاف بلامسلک ومذہب متحدہ طورپرتما م اٹھ کھڑے ہوں اور نہتے فلسطینیوں کی ہرسطح پر تائیدحمایت اور مددفراہم کی جائے۔

مسئلہ فلسطین صرف فلسطینیوں اور مسلمانوں کا مسئلہ نہیں بلکہ یہ سات دہائیوں سے انسانیت کے علمبرداروں سے اس بات کا تقاضہ کررہاہے کہ وہ انصاف کی بنیادوں پربیت المقدس، فلسطین اور فلسطینیوں کو اسرائیلی مظالم اور اس کے قبضہ سے آزادکرائیں۔