ماہِ رجب المرجب کا چاند نظر آگیا، شبِ معراج 16 جنوری 2026 کو منائی جائے گی

رویتِ ہلال کمیٹی حیدرآباد (دکن) کی جانب سے موصولہ اطلاع کے مطابق  الحمد للہ! ماہِ رجب المرجب کا چاند نظر آ گیا ہے۔ کمیٹی نے اس بات کی تصدیق کی ہے کہ معتبر شہادتوں اور شرعی اصولوں کے مطابق رجب المرجب کا چاند ثابت ہو چکا ہے، جس کے بعد ماہِ رجب کا آغاز ہو گیا ہے۔ اس اعلان کے ساتھ ہی یہ بھی بتایا گیا ہے کہ ان شاء اللہ شبِ معراج النبی ﷺ بروز جمعہ، 16 جنوری 2026ء کو منائی جائے گی۔ شبِ معراج اسلامی تاریخ کی عظیم اور بابرکت



راتوں میں سے ایک ہے، جس میں حضور اکرم ﷺ کو اللہ تعالیٰ نے معراج کا شرف عطا فرمایا۔ اس مقدس موقع پر مساجد میں خصوصی عبادات، نوافل، ذکر و اذکار، درود و سلام اور وعظ و نصیحت کے اجتماعات منعقد کیے جائیں گے۔ رویتِ ہلال کمیٹی نے عوام الناس سے اپیل کی ہے کہ وہ اس بابرکت رات کی قدر کریں، زیادہ سے زیادہ عبادت کا اہتمام کریں، باہمی اخوت و بھائی چارگی کو فروغ دیں اور ملک و ملت کی سلامتی کے لیے خصوصی دعائیں کریں۔

اللہ تعالیٰ ہم سب کو ماہِ رجب اور شبِ معراج کی برکتوں سے فیضیاب فرمائے۔ آمین۔