سعودی عرب میں شوال کا چاند نظر آگیا، بھارت میں عیدالفطر 21 مارچ کو منائی جائے گی

شوال کا چاند سعودی عرب اور دیگر عرب ممالک میں نظر آ گیا ہے، جس کے بعد وہاں عیدالفطر کل مذہبی جوش و خروش کے ساتھ منائی جائے گی۔ مختلف عرب ممالک میں مساجد، عیدگاہوں اور عوامی مقامات پر عید کی تیاریوں کو حتمی شکل دی جا رہی ہے اور مسلمان خوشی و مسرت کے اس موقع کے استقبال کے لیے



بے تاب ہیں۔ دوسری جانب بھارت میں آج شوال کا چاند نظر نہیں آیا، جس کے بعد رویتِ ہلال کمیٹیوں نے اعلان کیا ہے کہ ملک میں عیدالفطر ہفتہ 21 مارچ کو منائی جائے گی۔ اس طرح بھارت میں رمضان المبارک کے روزوں کی تکمیل کل ہوگی اور مسلمان عبادات، دعاؤں اور صدقۂ فطر کی ادائیگی میں مصروف ہیں۔