کرفیو کے نفاذ کے وقت سے قبل ہی گھروں کو پہنچ جائیں:مولانا جعفر پاشاہ

حیدرآباد22اپریل(یواین آئی)حیدرآباد کے ممتازوسرکردہ عالم دین حضرت مولانا محمد حسام الدین ثانی عاقل جعفر پاشاہ امیر ملت اسلامیہ تلنگانہ و آندھراپردیش نے عوام سے اپیل کی ہے کہ وہ ریاست تلنگانہ میں لگائے گئے رات کے کرفیو کے اوقات پر سختی سے عمل کریں۔

مولانا نے کہا کہ عالمی وبا کورونا کے معاملات بھی ہماری ریاست تلنگانہ میں آئے دن بڑھنے کے بعد عدالتی احکام کے نتیجہ میں حکومت تلنگانہ نے اس طرح کا اقدام کیا ہے۔

مولانا جعفر پاشاہ نے کہا کہ حکومت کی جانب سے کرفیو کے وقت کا جو اعلان کیا گیا ہے اس سے قبل ہی سب کا اپنے اپنے مقام کو پہنچ جانا ضروری ہے اور یہ وقت کا تقاضہ بھی ہے۔