ویلن اور منفرد اداکاری کے بے تاج بادشاہ : امجد خاں

ممبئی، 11 نومبر (یواین آئی) گبر سنگھ یہ وہ نام ہے جس نے بالی ووڈ کی سپر ہٹ فلم ’’شعلے‘‘ میں امجد خان کو فلم انڈسٹری میں مضبوط شناخت دلائی۔

امجد خان 12 نومبر 1940 حیدر آباد میں پیدا ہوئے۔

امجد خان کو اداکاری وراثت میں ملی ۔

ان کے والد جینت فلم انڈسٹری میں ویلن رہ چکے ہیں۔

انہوں نے بطور اداکار اپنےکریئرکا آغاز 1957 میں آئی فلم ’’اب دہلی دور نہیں ‘‘سے کیا تھا ۔

اس فلم میں انہوں نے چائلڈا سٹار کاکردار اداکیاتھا۔

فلم شعلےكے تعمیر کے وقت



گبر سنگھ والا کردار ڈینی کو دیا گیا تھا لیکن اس وقت فلم ’’دھرماتما‘‘ میں کام کرنے کی وجہ سے انہوں نے شعلے میں کام کرنے سے انکار کر دیا۔

شعلے کے اسکرپٹ رائیٹرسلیم خان کی سفارش پر رمیش سپی نے امجد خان کو گبر سنگھ کا کردار ادا کرنے کا موقع دیا۔

جب سلیم خان نے امجد خان سے فلم شعلے میں گبر سنگھ کا کردار ادا کرنے کو کہا تو پہلے تو وہ گھبرا سے گئے لیکن بعد میں انہوں نے اسے ایک چیلنج کے طور پر لیا اور چمبل کے ڈاکوؤں پر بنی کتاب’ ابھیشپت چمبل ‘ کا مطالعہ کرنا شروع کیا۔