ٹوئنکل کھنہ نے اکشے کی تعریف کی

ممبئی،18جون (ایجنسی)اداکارہ ٹوئنکل کھنہ نے اپنے شوہر اور مشہور اداکار اکشے کمار کی تعریف کی ہے۔ اکشے کمار اور ٹوئنکل کھنہ اپنی کاروباری زندگی کے علاوہ نجی زندگی سے جڑی باتوں کو بھی سوشل میڈیا پر پوسٹ کرتی رہتی ہیں۔ ٹونکل کھنہ نے ایک پوسٹ انسٹاگرام پر شیئر کی ہے جس میں وہ اکشے کمار تعریف کررہی ہیں۔

ٹوئنکل کھنہ نے ایک تصویر انسٹا گرام پر پوسٹ کی ہے جس میں اکشے کمار بھی نظر آرہے ہیں ۔ دونوں کے ہاتھوں میں گلاس ہے۔ اس تصویر کو شیئر کرتے ہوئے ٹوئنکل کھنہ لکھتی ہیں کہ میرا گلاس ہمیشہ آدھا بھرا رہتا ہے لیکن جب یہ ہنک (اکشے کمار)میرے آس پاس رہتا ہے تو یہ پورا بھرا ہے۔ اس پوسٹ سے ٹوئنکل نے اپنے اور اکشے کے درمیان شاندار رشتہ کو ظاہر کیا ہے۔