تشار کپور نے 2013 میں خریدے تھے کنچنا کے رائٹس

ممبئی، 29 نومبر (یو این آئی) بالی وڈ اداکار تشار کپور کا کہنا ہے کہ انہوں نے 2013 میں ہی فلم ’کنچنا‘ کے رائٹس خرید لئے تھے۔

تشار کپور نے اپنا پروڈکشن وینچر لانچ کیا ہے اور اس کی پہلی فلم اکشے کمار اسٹارر والی ’لکشمی بم‘ ہے۔ یہ فلم تمل سپر ہٹ فلم ’کنچنا‘ کا ہندی ریمیک ہے۔

تشار کپور نے بتایا ہے کہ انہوں نے اس فلم کے حقوق 2013 میں ہی خرید لئے تھے۔

تشار کپور نے بتایا ’’یہ کچھ اپنی پسندیدہ چیز کے لئے کام



کرنے جیسا ہے۔ میں کئی سال سے اس فلم سے منسلک ہوں۔ میں نے 2013 میں اس فلم کے حقوق خریدے تھے، لہذا آپ اسے پنشن پراجیکٹ کہہ سکتے ہیں۔

ایک پروڈیوسر کے طور پر ’لکشمی بم‘ میری پہلی فلم ہے اور مجھے بہترین ٹیم ملی ہے۔

 اکشے کمار اس فلم کے مرکزی ہیرو ہیں اور یہ ایک خواب پورا ہونے جیسا ہے کہ آپ اپنے پروڈکشن کا آغاز اتنے بڑے فنکاروں کے ساتھ کر رہے ہیں۔ اس فلم کا عنوان ہمیشہ سے میرا پسندیدہ رہا ہے۔ میں اپنے جوش و جذبے کو الفاظ میں نہیں بتا سکتا ہوں۔