سپریم کورٹ نے فلم'نانک شاہ فقیر ' کی ریلیز کی اجازت دی

نئی دہلی/10اپریل(ایجنسی) سکھوں کے پہلے گرو گرو نانک کی زندگی اور تعلیم پر مبنی فلم ' نانک شاہ فقیر ' کو پورے ملک میں ریلیز کرنے کے لئے آج سپریم کورٹ نے اجازت دے دی ۔

چیف جسٹس دیپک مشرا ، جسٹس اے ایم کھان ولکراور جسٹس ڈی وائی چندر چوڑ کی بنچ نے اس فلم کو ریلیز کرنے کی منظوری دے دی ۔
سکھوں کے سب سے بڑے مذہبی ادارہ شرومنی گرو دوارہ پر بندھک سمیتی (ڈی جی پی سی )نے فلم کو ریلیز نہ کئے جانے کی گذارش کی تھی ۔

بنچ نے اس فلم کو پورے ملک میں ریلیز کئے جانے کی منظوری دیتے ہوئے ایس جی پی سی کے ذریعے اسے روکے جانے کی بات کو خارج کر دیا ۔ بنچ نے کہا کہ جب مرکزی فلم سرٹیفیکشن



بورڈ (سی بی ایف سی ) جیسے قانونی ادارے نے فلم کو ریلیز کئے جانے کی منظوری دے دی ہے تو کسی بھی پرائیوٹ ادارے کو اس میں رکاوٹ ڈالنے کا کوئی حق حاصل نہیں ہے ۔ سپریم کورٹ نے ریاستی حکومتوں کو بھی یہ ہدایت دی ہے کہ اس فلم کو ریلیز ہونے میں کسی بھی قسم کی رکاوٹ نہیں آنی چاہئے ۔ اس کے لئے قانون و انتظامیہ کو چست و درست بنا یا جائے ۔

گرو نانک دیو کی زندگی اور تعلیم پر مبنی اس فلم کو بورڈنے قبل منظوری دے دی تھی ۔ ایس جی پی سی نے فلم پروڈیوسر سے فلم کو ریلیز نہیں کئے جانے کے لئے اسےاور اپیل کنندہ ہریندر سنگھ سکہ کو 30 مارچ کو ایک خط بھیجا تھا ۔
اس کے بعد مسٹر سکہ نے عدالت میں رٹ دائر کرکے فلم کی ریلیز کو روکنے میں پیدا ہوئی رکاوٹ کو دور کرنے کی گذارش کی تھی ۔ جس پرسپریم کورٹ نے یہ فیصلہ سنا یا ہے ۔