یوگی اور موہن بھاگوت پر تبصرہ کرنا ’کور’ کو مہنگا پڑا: ایف آئی آر درج

نئ دہلی/20جون(ایجنسی) سنگر ہارڈ کور Hard Kaur اترپردیش کے وزیراعلی یوگی آدتیہ ناتھ Yogi Adityanath اور آر ایس ایس سربراہ موہن بھاگوت Mohan Bhagwat کے اوپر تبصرہ کو لیکر مشکل میں پھنس گئی ہے۔ دراصل وارانسی میں سنگر ہارڈ کور کے خلاف یوگی اور موہن بھاگوت پر تبصرہ کرنے کے الزام میں ایف آئی آر درج کرائی گئی ہے۔ ہارڈ کور کے خلاف آئی پی سی کی دفعہ 124‘153اے‘500‘ اور 66 آئی ٹی ایکٹ کے تحت مقدمہ درج کروایا ہے۔

بتادیں کہ بالی ووڈ سنگر ہارڈ کور نے حال ہی میں اپنے انسٹاگرام اکاؤنٹ سے آر ایس ایس سربراہ موہن بھاگوت کی تصویر شیئر کرتے ہوئے انکے خلاف تنقید کی تھی۔ ہارڈ کور نے اترپردیش کے وزیراعلی یوگی کے بارے میں تنقید کی تھی۔ جسکو لیکر وارانسی کے ایک وکیل نے انکے خلاف پولیس اسٹیشن میں مقدمہ درج کراویا ہے۔