جذباتی اداکاری کرنے میں ماہر ہیں سچن

ممبئی 17 اگست (ایجنسی) بالی ووڈ سنیما میں سچن کو ایسے اداکاروں میں شمار کیا جاتا ہے جنہوں نے اپنی جذباتی اداکاری سے ناظرین کے درمیان خاص شناخت بنائی ہے۔

سچن17 اگست 1957 کو ممبئی میں پیدا ہوئے ۔ ان کا اصل نام سچن پلگاؤكر ہے۔ سچن کابچپن سے ہی فلموں کی طرف رجحان تھا اور وہ اداکار بننا چاہتے تھے۔ سچن نے اپنے فلمی کیریئر کا آغاز محض چار سال کی عمر میں ایک مراٹھی فلم اماجھے مارگ ایكلا سے کی۔

 

اپنی پہلی ہی فلم میں اپنی بااثر اداکاری کے لیے انہیں قومی ایوارڈ سے نوازا گیا۔ اس



کے بعد سچن بطور چائلڈ اسٹار فلموں میں کام کرنے لگے۔ ان میں جوئل تھیف، برہمچاری ، منجھلي بہن ،وارث ، سفر، پریم پجاری، گیمبلر، داستان اور میلے جیسی فلمیں شامل ہیں۔

سال 1975 میں راج شری پروڈکشن کے بینر تلے بنی فلم گيت گاتا چل بطور اداکار سچن کے فلمی کیریئر کی پہلی فلم تھی۔

سال 1975 میں آئی فلم شعلے میں سچن کو ایک چھوٹا سا کردار ادا کرنے کا موقع ملا لیکن وہ اپنے چھوٹے سے کردار میں بھی ناظرین کی تعریف لوٹنے میں کامیاب رہے۔ سال 1976 میں آئی فلم بالیكاودھو سچن کے فلمی کیریئر کی ایک اور سپر ہٹ فلم ثابت ہوئی۔