پانچ سال کی عمر سے اس بیماری سے متاثر ہے پرینکا چوپڑا

نئی دہلی/18ستمبر(ایجنسی) بالی ووڈ اداکارہ (Priyanka Chopra)  پرینکا چوپڑا ان دنوں اپنی پرسنل لائف کو لیکر بحث میں ہے، منگیتر نک کا حال ہی میں پرینکا نے جنم دن دھوم دھام سے منایا، پرینکا ان دنوں اپنا زیادہ سے زیادہ وقت نک کے ساتھ گذار رہی ہیں، اسی درمیان اداکارہ نے asthma دمہ کی بیماری سے متاثر ہونے کی معلومات اپنے فینس کو دی ہے، اداکارہ کا کہنا ہے کہ انہیں دمہ کی بیماری ہے اور اس میں چھپانے کی کوئی بات نہیں ہے، پرینکا نے پیر کو ٹیوٹر پر ایک اشتہار کی شوٹنگ کو ٹیوٹ کیا جس میں انہیں اس پر بات کرتے ہوئے دیکھا جاسکتا ہے، کہ کیسے دمہ بھی انہیں کیریئر کی اونچائیوں پر جانے سے نہیں روک سکا، پرینکا نے بتایا کہ جب وہ 5 سال کی تھیں، تب انہیں اس بیماری کے بارے میں معلوم ہوا.

انہوں نے ٹویٹ کیا، " مجھے اچھی طرح جاننے والے لوگ جانتے ہیں کہ مجھے دمہ ہے، میرا مطلب ہے اس میں چھپانے والا کیا ہے؟ مجھے یہ پتہ تھا کہ اس کے پہلے کہ دمہ مجھے اپنے قابو میں کرلے، مجھے اسے قابو میں کرنا ہوگال،جب تک میرے پاس میرا انہیلر ہے، دمہ مجھے میرے ہدف کو پانے اور #BerokZindagi. بے روک زندگی جینے سے نہیں روک سکتا. "