شوٹنگ کے دوران اداکارہ ماہی گل اور ٹیم پر ہوا جان لیوا حملہ

نئی دہلی/20جون(ایجنسی) فلم صاحب بی بی اور گینگسٹر فیم اداکارہ ماہی گل کی ٹیم پر شوٹنگ کے دوران ہوا جان لیوا حملہ‘ فوٹوگرافر کو سر میں لگی گہری چوٹ۔ چہارشنبہ کو پروڈیوسر ایکتا کپور نے دیر رات گل کی ٹیم کا ایک ویڈیو شیئر کرکے یہ معلومات دی۔ اس ویڈیو میں ماہی اور انکی ٹیم تفصیلات بتارہے ہیں۔ اب اس معاملے میں تھانے پولیس نے کچھ دیر پہلے ہی 7 لوگوں کو گرفتار کرلیا ہے۔

چہارشنبہ کو فلم اداکارہ ماہی گل پر جان لیوا حملہ کیا گیا ہے۔ یہی نہیں انکے ساتھ بدتمیزی اور ہاتھاپائی بھی کی گئی اور انہیں کار میں چھپ کر جان بچائی۔ اس حادثے کو مہاراشٹرا کے تھانے میں گینگ نے انجام دیا ہے۔