حیدرآباد : گڈی ملکاپور میں انکورا ہاسپٹل میں لگی زبردست آگ

حیدرآباد، 23 ڈسمبر (ذرائع) مہدی پٹنم کے قریب گڈی مالکاپور میں واقع انکورا ہاسپٹل کی عمارت میں ہفتہ کی شام آگ لگ گئی۔ ابھی تک کسی جانی نقصان کی اطلاع نہیں ہے۔

یہ واقعہ ہفتہ کی شام تقریباً 5.30 بجے پیش آیا، شارٹ سرکٹ کی وجہ سے ہاسپٹل کی اوپری منزل پر آگ لگ گئی، ہاسپٹل انتظامیہ نے پولیس  اور فائر ڈیپارٹمنٹ کو آگاہ کیا۔

قریبی فائر اسٹیشنوں کے کل پانچ



فائر ٹینڈرز موقع پر پہنچ گئے اور فائر بریگیڈ کے عملے نے آگ پر قابو پانے کے لیے کارروائیاں شروع کی اور جلد ہی آگ پر قابو پالیا گیا۔

احتیاطی تدابیر کے طور پر ہاسپٹل انتظامیہ نے ان مریضوں کو نکال لیا تھا جو آتشزدگی کی جگہ کے قریب کمروں میں تھے۔ مزید تفصیلات کا انتظار ہے۔ آگ لگنے کی اطلاع ملتے ہی کاروان کے ایم ایل اے کوثر محی الدین موقع پر پہنچ گئے اور حالات کا جائزہ لیا-