اچھی اسکرپٹ ہونے پر بھارت میں کام کیا:کٹرینہ

ممبئی،18اپریل(ایجنسی)مشہوراداکارہ کٹرینہ کیف کا کہنا ہے کہ انہوں نے فلم بھارت میں اس لئے کام کیا کیونکہ اس کی اسکرپٹ اچھی تھی۔علی عباس ظفر کی ہدایت میں بنی فلم بھارت میں پہلے سلمان خان کے ساتھ پرینکا چوپڑا کو کاسٹ کیاگیا تھا لیکن ان کے فلم چھوڑنے کے بعد کٹرینہ کیف کا انتخاب کیاگیا۔

کٹرینہ کیف نے پرینکا چوپڑا کی جگہ کاسٹ کئے جانے پر بیان دیا ہے۔کٹرینہ نے کہا کہ پرینکا کے فلم چھوڑنے کے بعد بھارت میں ان کی کاسٹنگ کا سلمان خان اور علی عباس کی دوستی سے کوئی تعلق نہیں تھا۔



کٹرینہ نے کہا کہ علی عباس اور میں اچھے دوست ہیں لیکن جب بات کام کی ہوتی ہے تو ہم ایک دوسرے کے تئیں بے حد ایماندار ہیں۔میں نے پوری اسکرپٹ 3گھنٹے میں پڑھی تھی۔ جس کے بعد میں نے انہیں فون کرکے کہا کہ مجھے اسکرپٹ پسند آئی ۔مجھے لگا کہ اس کردار کے ساتھ مجھے بہت دور تک جانے کا موقع ملے گا۔ اس لئے بھارت کا سلمان اور علی کی دوستی سے کوئی لینا دینا نہیں ہے۔کٹرینہ نے کہا کہ سلمان نے تو فلم سائن کرنے کے بعد مجھے فون تک نہیں کیاتھا۔ہم سیدھے بھارت کے سیٹ پر ملے۔فلم بھارت 5جون کو ریلیزہورہی ہے۔