ٹائگر -دشا کے رشتے پر جیکی شراف کا بیان

ممبئی،13مارچ(ایجنسی)مشہور اداکار جیکی شراف نے اپنے بیٹے ٹائگر شراف اوراداکارہ دشا پٹانی کے رشتے پر بیان دیا ہے۔

ٹائگر شراف -دشا پٹانی کی جوڑی سال 2016 میں سب سے پہلے بے فکرے گانے میں نظرآئی تھی۔ اس گانے کے ریلیز ہونے کے ساتھ ہی دونوں کے رشتے کی خبریں تیز ہوگئیں تھیں۔ اس رشتے پر ٹائگر اور دشا نے ہمیشہ خاموشی اختیار رکھی۔ ٹائگر شراف کے والد جیکی شراف نے اس سلسلے میں بات کی ہے۔

جیکی نے کہا،'میرے بیٹے کو 25سال کی عمر میں پہلی



دوست ملی ہے۔ وہ بھی ایک لڑکی۔ دونوں ساتھ میں ورک آؤٹ کرتے ہیں،ڈانس کرتے ہیں۔ دشا ایک آرمی خاندان سے تعلق رکھتی ہیں،اسے معلوم ہے کہ ڈسپلن کیا ہوتا ہے۔ کون جانتا ہے کہ دونوں مستقبل میں شادی کریں گے،ہوسکتا ہے کہ زندگی بھر اچھے دوست بنے رہیں۔'

قابل ذکر ہےکہ کرن جوہرکے چیٹ شو پر پوچھے گئے سوال پر کہا تھا،'ہم دونوں اچھےدوست ہیں۔ مجھے دشا کی کمپنی بہت پسند ہے۔ ہم دونوں کی کئی پسند ملتی ہیں،انڈسٹری میں میرے دوست بھی کم ہیں،وہ میرے ان دوستوں میں سے ایک ہے جس کے ساتھ میں اچھا محسوس کرتا ہوں۔