فلم جولی ایل ایل بی تھری کے خلاف سماعت ہوئی

اجمیر ، 18 مئی (یو این آئی) فلم جولی ایل ایل بی - 3 کے خلاف ڈسٹرکٹ بار ایسوسی ایشن کے ممبروں کی طرف سے دائر ایک درخواست پر ہفتہ کو راجستھان کے اجمیر کی منصف نارتھ کورٹ میں سماعت ہوئی۔ اس معاملے میں فیصلہ اگلی سماعت کی تاریخ یعنی 27 مئی کو آسکتا ہے۔ موصولہ اطلاعات کے مطابق درخواست پر بحث کے دوران فلم اداکاروں



اور پروڈیوسر ڈائریکٹر کے وکیل نے عدالت میں درخواست کو بے بنیاد قرار دیتے ہوئے خارج کرنے کا مطالبہ کیا۔ جس پر بار ایسوسی ایشن کی جانب سے موجود وکیل نے درخواست کو اہم قرار دیتے ہوئے عدالت سے اسے سننے کی استدعا کی۔ عدالت نے دونوں کے دلائل سننے کے بعد سماعت کی اگلی تاریخ 27 مئی مقرر کی جس میں درخواست پر فیصلہ سنایا جا سکتا ہے۔