سیف علی خان اور علی فضل کو ڈرانے آئی "بھوت پولیس"، فاطمہ ثنا شیخ کوملا یہ کام

نئی دہلی/13اپریل(ایجنسی) بالی ووڈ میں جن اسٹارس کے ساتھ فلم کرنا کسی بھی اسٹار کا خواب ہوتا ہے Fatima Sana Shaikh فاطمہ ثنا شیخ کے لیے ایسی فلمیں ملنا جیسے قسمت کا کھیل ہے، پچھلی دو فلموں میں جہاں فاطمہ نے بالی ووڈ کے اسٹار عامر خان کے ساتھ کام کیا تو اب فاطمہ کے ہاتھ ایک اور بڑے اسٹار کی فلم لگ چکی ہے، جی ہاں فاطمہ سیف علی خان کے ساتھ اسکرین شیئر کرنے والی ہے-

اس آنے والی فلم کا آفیشل اعلان بھی ہوچکا ہے، خاص بات یہ ہے کہ پہلی فلم میں کشتی ، دوسری میں ایکشن کرنے والی فاطمہ اس فلم میں سب کو ڈرانے کی تیاری میں ہے، جی ہاں اس فلم میں یہ دنگل گرل " Bhoot Police بھوت پولیس" بن کر سیف علی خان اور مرزا پور فیم علی فضل کی خبر لینے والی ہے، اس فلم کی معلومات دیتے ہوئے فاکس اسٹار اسٹوڈیو اور ٹریڈ انالسٹ ترن آدرش نے سوشل میڈیا پر ایک فوٹو شیئرکی ہے.