سلمان نےفلم’ انشاءاللہ ‘بند ہونے پر بیان دیا

ممبئی 25 ستمبر ( ایجنسی)مشہور اداکار سلمان خان نےفلم’ انشاء اللہ‘ کے بند ہونے پربیان دیا ہے۔

فلم ساز سنجے لیلا بھنسالی ، سلمان خان اور عالیہ بھٹ کولےکرفلم انشاء اللہ بنانے والے تھے لیکن فلم بننے سے پہلے ہی بند ہوگئی۔ تاہم ابھی تک یہ معلوم نہیں ہوسکا ہے کہ فلم بننے سے پہلے ہی کیوں بند ہوگئی ،کیوں کہ بھنسالی نے اس کی شوٹنگ کے لئے تمام تر تیاری کرلی تھی۔  سلمان کا کہنا ہے کہ بھنسالی کے ساتھ ان کے تعلقات اب بھی پہلے جیسے ہی



ہیں۔

بھنسالی کے ساتھ مستقبل میں ہونے والے کام کے بارے میں ، سلمان نے کہا ،’سنجے میرے بہت ہی پیارے دوست ہیں اور ہمیشہ رہیں گے۔ انشاء اللہ سے مراد اللہ کی مرضی ہے۔ میرے خیال میں ابھی اس فلم کے بننے میں اللہ کی مرضی نہیں تھی۔

سلمان خان بھنسالی کے ساتھ ’خاموشی دی میوزیکل‘ اور ’ہم دل دے چکے صنم‘ جیسی فلموں میں کام کر چکے ہیں۔ اس کے علاوہ انہوں نے بھنسالی کی فلم ساوریہ میں بھی ایک چھوٹا سا رول ادا کیا تھا ، جو رنبیر کپور اور سونم کپور کی پہلی فلم تھی۔