آدتیہ پانچولی کے خلاف شکایت درج، جان سے مارنے کی دھمکی دینے کا الزام

نئی دہلی/22جنوری(ایجنسی) اداکار آدتیہ پنچولی کے خلاف ممبئی کے ورسووا پولیس اسٹیشن میں شکایت درج کی گئی ہے. شکایت کنندہ محسن حیدر نے پنچولی کے خلاف پیسے نہ لوٹانے اور دھمکی دینے کا الزام لگایا ہے. خبروں کی مانیں تو شکایت کنندہ محسن حیدر ایک کار میکانیک ہے اور پیسوں کو لے کر پنچولی نے محسن کو جان سے مارنے کی دھمکی دی ہے.

دراصل، پورا معاملہ سروسینگ کا ہے، محسن نے اپنے شکایت میں لکھوایا ہے کہ پنچولی نے سال 2017 می ںاپنی ایک گاڑی کی سروسینگ کے لیے محسن کو اپنے گھر بولایا تھا، اوزاروں کی کمی کی وجہ سے گاڑی کی سروسینگ ممبئی میں ہونہیں پائی تو لینڈ کروزر کو دہلی بھیجنا پڑا، وہیں فروری 2018 کو گاڑی ٹھیک ہوکر ممبئی واپس آگئی اور اسے ٹھیک کروانے میں تقریبا 2 لاکھ 82 ہزار روپے کا خرچ آیا، محسن جب گاڑی لیکر پنچولی کے گھر پہنچے تو انہوں کار میکانک کے ساتھ بدتمیزی کی اور انہیں جان سے مارنے کی دھمکی دے ڈالی، بحرحال پولیس اس معاملے کی جانچ میں مصروف ہے.