دلیپ کمار لتامنگیشکر کو بہن مانتے تھے

ممبئی 6 فروری (یو این آئی) فلم انڈسٹری کے 'شہنشاہ جذبات' کہے جانے والے مرحوم اداکار دلیپ کمار اور سروں کی ملکہ لتامنگیشکر کو بہن مانتے تھے لتا متعدد مرتبہ دلیپ کمار کے ہاتھوں پر راکھی باندھا کرتی تھی دلیپ کمار کے انتقال سے قبل جب لتا پہلی مرتبہ اسپتال داخل ہوئی تھیں اس وقت دلیپ صاحب نے اپنے ٹیوٹر پر دعائیہ کلمات ادا کرتے ہوئے ان کی صحتیابی کے لئے دعائیں کی تھیں-اسی طرح جب دلیپ صاحب داعی اجل کو لبیک کہہ گئے تب لتامنگیشکر نے ایک جذباتی پیغام میں



اپنے بھائی کو کھو دینے کا اظہار کیا تھا اور کہا تھا کہ اب انکی کلائی اپنے بھائی کی راکھی سے محروم ہوجائےگی۔

لتامنگیشکر کے تعلق سے ایک مرتبہ دلیپ صاحب نے یہ بھی کہا تھا کہ قدرت نے ہندوستان کو ایک خاص تحفہ دیا ہے اور اس تحفہ کا نام لتا منگیشکر ہے-

واقعی لتا منگیشکر کی آواز کا اعجاز جادو اور سحر کے زمرے میں آتا ہے- لندن کے البرٹ ہال میں منعقدہ ایک پروگرام میں دلیپ نے لتا منگیشکر کا تعارف کچھ اس طرح کرایا تھا کہ وہ تعارف بھی جاوداں بن گیا۔