اجے اور دیپیکا کی فلمیں باکس آفس پر ایک ساتھ ریلیز ہوں گی

ممبئی،26مارچ(ایجنسی)مشہور اداکار اجے دیوگن اور دیپیکا پڈوکون کی فلمیں باکس آفس پر ایک ہی دن ریلیز ہونے جارہی ہیں۔

ان دنوں اجے دیوگن فلم "Tanhaji - The Unsung Warrior تاناجی:دی ان سنگ واریئر"میں کام کررہے ہیں۔ فلم میں کاجول اور سیف علی خان بھی اہم کردار میں ہیں۔ اجے کی"تاناجی" ایک تاریخی فلم ہے۔ اس کی ہدایت اوم راؤت کررہے ہیں۔ پہلے یہ



فلم 22نومبر کو اسی سال ریلیز ہونے والی تھی ،لیکن فلم کا کچھ کام ابھی پورا نہیں ہوا ہے جس میں وقت لگےگا اس لئے فلم کی ریلیز ڈیٹ آگے بڑھادی گئی ہے۔ اب یہ فلم اگلے ساتھ 10جنوری کو ریلیز ہوگی۔

دوسری جانب دیپیکا پڈوکون ان دنوں میگھنا گلزار کی فلم چھپاک میں کام کررہی ہیں۔ یہ فلم لکشمی اگروال پر ہوئے ایسڈ اٹیک کی دردناک کہانی ہے اور یہ فلم بھی اگلے سال 10جنوری کو ریلیز ہوگی۔ اس طرح یہ دونوں فلمیں ایک ہی دن ریلیز ہوں گی۔