ہندی فلم انڈسٹری کے ڈسکو کنگ مانے جاتے ہیں بپی لہری

ممبئی، 26 نومبر (یو این آئی) ہندی سنیما میں بپی لہری ان چنندہ موسیقاروں میں شمار کئے جاتے ہیں جنہوں نے موسیقی کے آلات کے استعمال کے ساتھ فلمی موسیقی میں مغربی موسیقی کو ملاکر باقاعدہ ’’ڈسکو تھیك‘‘ کی ایک نئی طرز بنائی۔

اپنے اس نئے تجربے کی وجہ سے ، بپی کو اپنے ابتدائی کیریئر میں کافی تنقید کا سامنا کرنا پڑا ، لیکن بعد میں ان کی موسیقی کو سامعین نے سراہا اور وہ فلم انڈسٹری میں 'ڈسکو کنگ' کے نام سے مشہور ہوگئے۔

مغربی بنگال کے کولکاتہ شہر میں 27 نومبر 1952 کو پیدا ہونے والے بپی لہری کا حقیقی نام آلوکیش لہری تھا ۔

ان کے



والد اپریش لہری بنگالی گلوکار تھے جبکہ والدہ ونسری لہری موسیقار اور گلوکارہ تھیں۔

گھر میں فلمی ماحول ہونے کی وجہ سے ان کا رجحان بھی موسیقی کی جانب بڑھنے لگا اور وہ موسیقی کی دنیا میں بین الاقوامی شہرت حاصل کرنے کا خواب دیکھنے لگے۔

بپی لہری نے بطور موسیقار اپنے کیرئیر کی شروعات 1972 میں ریلیز بنگلہ فلم ’دادو‘ سے کی لیکن فلم باکس آفس پر ناکام رہی اور انہوں نے اپنے خوابوں کو پورا کرنے کے لئے ممبئی کا رخ کیا۔

سال 1973 میں جلوہ گر فلم ’’ننھا شکاری‘ بطور موسیقار ان کے کیرئیر کی پہلی ہندی فلم تھی لیکن بدقسمتی سے یہ فلم بھی ناکام رہی۔