شعلہ کی بڑی بہو،اداکارہ گیتا کک چل بسیں

ممبئی 16دسمبر (یواین آئی) گرم ہوا کی آمنہ اور شعلہ کی بڑی بہو کے رول کےلیے مشہور اداکارہ گیتا کک گزشتہ روز انتقال کرگئیں۔ انہوں نے ایم ایس ستیو کی 1973 میں ریلیز گرم ہوا میں آمنہ کا رول ادا کیا تھا ۔ اس فلم کو قومی ایوارڈ ملا تھا جبکہ انہیں بھی اعزاز سے نوازاگیا۔

اس سے قبل 1972 میں انہوں نے گلزار کی فلم پریچے میں بھی اداکارہ کی تھی۔  جس میں جیتندراور جیا بہادری اور پران نے اہم رول ادا کیا تھا۔ اس کے ساتھ ساتھ انہوں نے 70اور 80کی دہائی میں شعلے،ترشول ،ڈسکو ڈانسر ،رام تیری



گنگا،نوری ،دیس پریمی ،ڈانس ڈانس ،قسم پیدا کرنے والے کی،شوقین ،ارتھ،ایک چادر میلی سی،گمن اور دوسرا آدمی جیسی فلموں میں کام کیا تھا۔

گیتا کک نے ٹی وی نیوز ریڈر اور پرڈیوسر اور ڈاکومینٹری فلم ساز سدھارتھ کک سے شادی کی تھی،1990میں ان کا دوردرشن پر سربجیت نامی ثقافتی پروگرام کافی مشہور ہوا تھا،ان کی اہلیہ گیتا کک آرٹ ڈائرکٹر تھیں۔ یہ پروگرام 1990 سے 2001 تک جاری رہا۔

گیتا اور سدھارتھ کک کی بیٹی انترا بھی ڈاکومینٹری بناتی ہیں اور گیتا فلموں کے ساتھ ساتھ سماجی سرگرمیوں بھی مصروف تھیں۔