نیشنل فلم ایوارڈز: شاہ رخ خان، رانی مکھرجی کو بہترین اداکار اور بہترین اداکارہ کا ایوارڈ حاصل

شاہ رخ خان اور رانی مکرجی نے منگل کو دہلی میں 71ویں نیشنل فلم ایوارڈز کی تقریب میں شرکت کی۔ جہاں شاہ رخ خان نے فلم 'جوان' کے لیے بہترین اداکار کا ایوارڈ جیتا، وہیں رانی مکرجی نے فلم 'Mrs Chatterjee Vs Norway' میں اپنی پرفارمنس کے لیے بہترین اداکارہ کا ایوارڈ حاصل کیا۔

نیشنل فلم ایوارڈز کا اعلان پچھلے ماہ کیا گیا تھا، اور اعلان کے بعد، شاہ رخ خان نے سوشل میڈیا پر ایک ویڈیو پوسٹ کرتے ہوئے سب کا شکریہ ادا کیا۔ ویڈیو میں



کنگ خان نے کہا، "مجھے نیشنل ایوارڈ سے نوازنے کے لیے شکریہ۔ جیوری اور اطلاعات و نشریات کی وزارت کا شکریہ۔ اس اعزاز کے لیے بھارتی حکومت کا بھی شکریہ۔ آپ کی محبت سے میں بے حد متاثر ہوں۔"

انہوں نے مزید کہا، "کہنے کی ضرورت نہیں، میں شکرگزاری، فخر اور عاجزی کے جذبات سے معمور ہوں۔ نیشنل ایوارڈ سے نوازا جانا ایک ایسا لمحہ ہے جسے میں اپنی زندگی بھر یاد رکھوں گا۔ جیوری، چیئرمین، اطلاعات و نشریات کی وزارت اور ہر اس شخص کا بے حد شکریہ جنہوں نے مجھے اس اعزاز کے قابل سمجھا۔"