اقلیتی اسکول و جونےئر کالج کے لئے مالی تعاون کی اسکیم

ناندیڑ: یکم جولائی ( نامہ نگار)اقلیتی اداروں کو ہرسال حکومت کی جانب سے دو لاکھ روپئے تک کی رقم مختلف کاموں کیلئے فراہم کی جارہی ہے ۔ ناندیڑ ضلع کے سرکاری طورپر منظور شدہ خانگی اسکولوں اور جونےئر کالجس کے علاوہ آئی ٹی آئی ، معذور اسکول کی عمارت کی مرمت ، لائبریری کی تجدید کاری ، پانی کے نظم کی تیاری ، بیت الخلاء کی تعمیر و مرمتی کام ،



فرنیچر کی خریدی ، و دیگر کاموں کیلئے دو لاکھ روپئے تک فرنیچر فنڈ منظور کیا جائے گا۔ ان اداروں میں ۷۰؍فیصد اقلیتی طبقہ کے طلبہ ہونا ضروری ہے ۔ معذور ادارے میں اقلیتی طبقہ کے ۵۰؍فیصد طلبہ ہونا ضروری ہے ۔ فنڈ حاصل کرنے کیلئے خواہشمند اداروں کے ذمہ داران ۵؍جولائی تک اپنی درخواستیں ضروری کاغذات کے ساتھ ضلع نیوجن آفس کلکٹر آفس ناندیڑ میں داخل کرسکتے ہیں ۔