آندھرا پردیش 5 فروری 2026 (اعتماد نیوز) انسٹاگرام ریلز بناتے ہوئے موٹر سائیکل سے گر کر ایک نوجوان کی موت ہوگئی۔ مہلوک کی شناخت 20 سالہ مبارک نامی نوجوان کے طور پر کی گئی ہے۔یہ واقعہ ریاست آندھراپردیش کڑپہ ضلع کے مرکز میں پیش آیا۔ذرائع کے مطابق زیادہ ویوز حاصل کرنے کی خواہش میں مبارک موٹر
سائیکل پر کرتب دکھا رہا تھا اسی دوران اس کا توازن بگڑ گیا اور وہ حادثے کا شکار ہو گیا جس کے نتیجے میں موقع پر ہی اس کی موت ہو گئی۔حادثے کے وقت موٹر سائیکل پر اس کے ساتھ موجود ایک اور نوجوان شدید زخمی ہو گیا۔ زخمی نوجوان کو بہتر علاج کے لیے بنگلور منتقل کر دیا گیا ہے۔پولیس نے واقعے کی تحقیقات شروع کر دی ہیں۔