موموس کھانے کے بعد خاتون فوت، کئی بیمار

حیدر آباد، 28 اکتوبر (ذرائع) حیدرآباد کے علاقے بنجارہ ہلز  میں روڈ پر واقع فوڈ اسٹال پر موموس کھانے کے بعد ایک 31سالہ ریشما بیگم نامی خاتون کی موت ہوگئی جب کہ دیگر 50 افراد بیمار ہیں۔

چند متاثرین نے پیر کے روز بنجارہ ہلز پولیس اسٹیشن میں شکایت درج کرائی جس میں انہوں نے بتایا کہ وہ جمعہ کے روز اسٹال کے موموس کھائے



تھے۔ 

سنگاڑہ کنٹہ بستی میں جمعہ کے روز  ریشما بیگم اور ان کے بچے کے علاوہ دیگر کئی افراد نے اس اسٹال سے موموس کھائے تھے۔ دوسرے دن ہفتہ کے روز ان افراد کو قئے و دست شروع ہوگئے ، اسکے بعد انہوں نے  بنجارہ ہلز کے مختلف ہاسپٹلوں سے رجوع ہوئے۔

پولیس نے کیس درج کرتے ہوئے تحقیقات شروع کردی ہیں۔ پولیس نے موموس فروخت کرنے والے 2 افراد کو گرفتار کرلیا۔