حیدرآباد: راجندر نگر میں دو دوستوں نے نوجوان وسیم کو چاقو مار کر قتل کردیا

شہر حیدرآباد کے راجندر نگر پولیس اسٹیشن کے حدود میں قتل کی ایک اور افسوسناک واردات سامنے آئی ہے۔ اپر پلی کے 'ہیپی ہومس'کے رہائشی وسیم نامی نوجوان کو اس کے اپنے ہی دو دوستوں نے چاقوؤں سے حملہ کر کے بے دردی سے قتل کر دیا۔ اطلاعات کے مطابق، مقتول وسیم اور اس کے دوستوں کے درمیان کسی بات پر تنازع ہوا، جس نے



تلخ کلامی کے بعد خونی شکل اختیار کر لی۔ حملے کے دوران شدید زخمی ہونے سے وسیم موقع پر ہی دم توڑ گیا۔ واقعے کی اطلاع ملتے ہی راجندر نگر پولیس نے موقع پر پہنچ کر لاش کو تحویل میں لے لیا اور پوسٹ مارٹم کے لیے ہسپتال منتقل کر دیا۔ پولیس نے مقدمہ درج کر کے فرار ملزمان کی تلاش اور واقعے کی مختلف زاوئیوں سے تحقیقات شروع کر دی ہیں۔