آندھرا پردیش 29 نومبر 2025 (ذرائع) آندھرا پردیش کے کرنول ضلع میں ہفتہ کی صبح کوٹیکال گاؤں کے قریب دو کاروں کے آمنے سامنے ٹکرانے کے نتیجے میں ایک ہی خاندان کے پانچ افراد ہلاک اور چار زخمی ہوگئے۔ حادثے میں مرنے والوں میں باپ، بیٹی، داماد اور دو نواسے شامل ہیں۔ پولیس کے
مطابق ہلاک شدگان کرناٹک کے ضلع کولار کے چکّہ ہوسلی گاؤں سے تعلق رکھتے تھے اور منترالیہ میں سری راگھویندرا سوامی مٹھ کے درشن کے لئے جا رہے تھے کہ یہ افسوسناک حادثہ پیش آگیا۔ دوسری کار میں سوار 4 زخمیوں کو علاج کے لئے آدونی منتقل کیا گیا جبکہ پولیس نے مقدمہ درج کرکے تحقیقات شروع کردی ہے۔