کڑپہ میں ایک خوفناک سڑک حادثے میں تین نوجوانوں کی موت ہو گئی۔

ذرائع:

آندھرا پردیش کے کڑپہ ضلع میں ایک جان لیوا سڑک حادثہ پیش آیا جہاں کڑپہ کے مضافاتی علاقے میں RIMS روڈ پر دو بائک آپس میں ٹکرا گئے جس کے نتیجے میں دو نوجوان ہلاک اورتیسرا شدید زخمی ہوگیا۔ دو افراد کی موقع پر ہی موت ہوگئی جبکہ تیسرے نے اسپتال میں



علاج کے دوران دم توڑ دیا۔ اطلاع ملنے پر پولیس موقع پر پہنچ گئی اور زخمیوں کو اسپتال منتقل کیا ۔  اطلاعات کے مطابق یہ نوجوان کڑپہ کے رہنے والے ہے ۔ بتایا جاتا ہے کہ حادثے میں موٹر سائیکلیں مکمل طور پر تباہ ہوگئیں۔ مقدمہ درج کر لیا گیا ہے اور تفتیش جاری ہے۔ پولیس کا کہنا ہے کہ حادثہ تیز رفتاری کے باعث پیش آیا۔