تلنگانہ 30 نومبر 2025 (ذرائع) تلنگانہ کے ضلع جگتیال کے مشہور یاترا مقام کونڈاگٹّو میں ہفتہ کی شب خوفناک آگ بھڑک اُٹھی، جس کے نتیجے میں بس اسٹاپ کے قریب لگاتار واقع تقریباً 20 دکانیں جل کر راکھ ہوگئیں۔ یہ تمام دکانیں زیادہ تر کھلونوں اور اشیائے فروخت پر مشتمل تھیں
جنہیں دیکھتے ہی دیکھتے شعلوں نے اپنی لپیٹ میں لے لیا۔ اطلاع ملتے ہی فائر بریگیڈ کے عملے نے موقع پر پہنچ کر کافی جدوجہد کے بعد آگ پر قابو پالیا۔ حادثے کی اصل وجہ کا ابھی تک پتہ نہیں چل سکا اور حکام آگ لگنے کے محرکات کا جائزہ لے رہے ہیں۔ خوش قسمتی سے کسی جانی نقصان کی اطلاع نہیں ملی۔