حیدرآباد: ٹی وی اداکارہ نے کی خودکشی، پنکھے سے لٹکی ملی لاش

حیدرآباد/6فروری(ایجنسی) تلگو ٹیلی ویژن کی اداکارہ naga-jhansi ناگا جھانسی نے چہارشنبہ کو حیدرآباد میں اپنے گھر میں خودکشی کرلی، شری نگر کالونی میں واقع ایک اپارٹمنٹ کی عمارت میں اپنے فلیٹ میں 21 سالہ ناگا جھانسی کی لاش پنکھے سے لٹکی ملی،

پولیس کے مطابق اداکارہ فلیٹ میں اکیلی تھی، اسکے بھائی درگاہ پرساد نے پڑوسیوں کو اسکی معلومات اس وقت دی جب بڑی دیر تک دراوازہ پر دستک دینے کے بعد کوئی جواب



نہیں آیا، وہ دروازے توڑ کر اندر داخل ہوئے اور انہوں نے اسے پنکھے پر لٹکا پایا، اسکی لاش پوسٹ مارٹم کے لیے گاندھی ہاسپٹل منتقل کردیا گیا ہے اور پنجہ گٹہ پولیس اسٹیشن میں معاملہ درج کرلیا گیا ہے.

آندھراپردیش کے کرشنا ضلع کی رہنے والی جھانسی پوترابندھن سمیت کئی سیریل میں کام کرچکی ہے، وہ پچھلے کچھ مہینوں سے امیرپیٹ میں بیوٹی پارلر چلا رہی تھی-

خودکشی کی وجہ معلوم نہیں ہوسکی پولیس مصروف تحقیقات ہے-