تلنگانہ: تحصیلدار 70 ہزار روپے رشوت لیتے ہوئے اے سی بی کے ہاتھوں گرفتار

ذرائع:

تلنگانہ کے ضلع سدی پیٹ کے چیریال تحصیلدار  دلیپ نائک کو 70 ہزار روپے رشوت لیتے ہوئے اینٹی کرپشن بیورو  نے رنگے ہاتھوں گرفتار کر لیا۔اطلاعات کے مطابق ناگاپوری گاؤں کی جمنا کنکما اور دیگر افراد کی اراضی کے نالہ کنورژن سے متعلق کام کے لیے تحصیلدار نے درخواست گزار سے 70 ہزار



روپے رشوت کا مطالبہ کیا تھا۔ متاثرہ شخص نے اے سی بی سے شکایت کی، جس کے بعد حکام نے منصوبہ بند کارروائی کرتے ہوئے تحصیلدار کو رشوت وصول کرتے ہوئے پکڑ لیا۔اے سی بی نے تحصیل دفتر میں تلاشی لے کر اہم ریکارڈ اور دستاویزات بھی ضبط کیے۔ ملزم کے خلاف مقدمہ درج کرکے اسے حیدرآباد کی اے سی بی عدالت میں پیش کر دیا گیا۔