تلنگانہ 8 فروری 2026 (اعتماد نیوز) تلنگانہ کے ضلع کریم نگر کے گنگادھرا منڈل کے گٹو بوتھکور گاؤں میں ڈرگس کنٹرول ایڈمنسٹریشن نے ایک فرضی ڈاکٹر کے کلینک پر دھاوا کرتے ہوئے غیر قانونی طور پر فروخت کے لیے ذخیرہ کی گئی ادویات ضبط کر
لیں۔معائنہ کے دوران عہدیداروں نے مجموعی طور پر 73 اقسام کی ادویات برآمد کیں جن میں 19 اقسام کے فزیشن سیمپلز، اینٹی بایوٹکس، اسٹرائیڈز، درد کم کرنے والی، بلڈ پریشر اور معدے کے السر کی ادویات شامل ہیں۔ ضبط شدہ ذخیرے کی مالیت تقریباً 27,879 روپے بتائی گئی ہے۔