سیوگی swiggy بوائے نے لڑکی سے کی غلط حرکت، شکایت کی تو ملا 200 روپے کا کوپن

دہلی / بنگلور: فوڈ ایپ سیوگی (Swiggy) کے ڈیلیور ی بوائے کی طرف سے غلط حرکت کرنے کا معاملہ سامنے آیا ہے. کھانے کی ڈیلیوری دینے آئے ملازم کی شکایت جب لڑکی نے سیوگی کے کسٹمر کیئر سے کی تو کمپنی نے متاثرہ کو 200 روپے کے کوپن کے ساتھ معافی نامہ بھیج دیا، یہ شرمناک معاملہ بنگلور کا ہے، دراصل ایک لڑکی نے سیوگی پر کھانے کے لیے آرڈر کیا، ڈیلیوری بوائے کھانا لیکر لڑکی کے گھر پر پہنچا تو دونوں کے درمیان کسی بات پر بحث



ہوگئی-

معاملہ اتنا بڑھ گیا کہ لڑکی کو ڈیلیوری بوائے کی شکایت کسٹمر کیئر پر کرنے کے ساتھ ہی غلط حرکت کے بارے میں اپنی فیس بک پوسٹ پر بھی لکھا ہے، لڑکی نے سوشل میڈیا پر اپنی پوسٹ میں لکھا ہے کہ وہ غلط زبان کا استعمال کرنے کے ساتھ ہی اس سے جنسی فیور کرنے کے لیے کہہ رہا تھا، اسکے بعد متاثرہ نے ساری باتیں فیس بک پر لکھ دی، یہ پورا معاملہ جمعرات کا ہے، سیوگی کے کسٹمر کیئر نے لڑکی کی شکایت پر معافی نامہ کے ساتھ ہی 200 روپے کا کوپن بھیج دیا.