وشاکھاپٹنم میں چلتی بس میں اچانک آگ، رشی کونڈا بیچ روڈ پر بڑا حادثہ ٹل گیا

آندھرا پردیش 3 مارچ 2026 (اعتماد نیوز) آندھراپردیش کے وشاکھاپٹنم میں رشی کونڈا کے قریب بیچ روڈ پر اس وقت خوف و ہراس پھیل گیا جب ایک پرائیویٹ ٹراویلس کی بس اچانک شعلہ پوش ہوگئی۔بتایا جاتا ہے کہ چلتی بس میں شارٹ سرکٹ کی وجہ سے آگ بھڑک اٹھی جس نے دیکھتے ہی



دیکھتے پوری بس کو اپنی لپیٹ میں لے لیا۔اس واقعہ کی اطلاع ملتے ہی فائر بریگیڈ کی ٹیمیں اور پولیس فوری طور پر موقع پر پہنچ گئیں اور کافی جدوجہد کے بعد آگ پر قابو پایا۔ذرائع کے مطابق بس میں سوار تمام مسافر بروقت باہر نکلنے میں کامیاب رہے جس کی وجہ سے ایک بڑا جانی نقصان ٹل گیا۔